تريدون اتعرفون الفرق بين الشاب العراقي و الشاب الامريكي

من الصبح تدك الساعه الرقميه الموجوده في غرفة الشاب الامريكي ليستيقض مبكراً ويتوجه الى الحمام ليغسل وجههه ثم يفرّج سنونه ويتوجه الى المطبخ ويضع قطعتي التوست المحمص فى ال(هاي المكينه اللي تحمي خبز ما ادري شسمهه ؟؟؟) المهم يذهب الى الحديقه الاماميه لينتظر الباص الاصفر مال مدرسه

اما الشاب العراقي يستيقظ على صوت الوالده الحنين(اكعد ولك الساعه 6:00) يذهب الى الحمام يجد الماء مجرش يتوجه الى السياره ان وجدت (عبالكم يصعد بيهه ويروح للمدرسه ........لا) يسحب بانزين حتى يشغل المولد يشبع بانزين تنسد نفسه وميتريّك اذا رح يوفر عناء الريوك عالاهل (ميشتهي ريّوك غير؟) لعد شكو يجيب صمون وكيمر عرب ؟؟؟؟ ج/ حتى احسن

الطالب الامريكي ) يذهب الى المدرسه ليتوجه الى صف الطبيعيات (عبالك روضه ) يتناقش ويه المدرس ويخلص يروح لدرس التغذيه (المعلمه مالتهم خنفشاريه تخبللل) غير خلص الدوام يرجع بالباص للبيت يرتاح وبعدين يشغل الكاديلاك مالته ويطلع يفتر ..

الطالب العراقي) يذهب الى المدرسه حاملاً التكه اللي لاف بيهه الكتب يدخل الى اول درس الاستاذ خلصان عنده بس اربع سنون (اللي ممحظر يطلعلي هنا) ودائماً تصدف انه الطالب العراقي ممحظر (ينعلس) ثم تأتي الفرصه (يتعارك مع احد زملائه) يأتي الدرس الثاني مدرس الفيزياء الحلقه الاخيره (كوم بابا مو كتلك جيب ولي امرك ..متحظر عندي اليوم ) ( ما احظر وشنو يعني درس رياضه صاير الفيزيه ) خلص الدوام( هوه مخلص بعده الدرس الرابع بس الطالب العراقي طفر من الحايط ) مابيهه شي يرجع للبيت يلكه

امه حاركه التمن وتنطيه خمسميه يروح يجيب معجون توسان وبالصدفه يلكه الوالده مشغله الثلاجه عالمولد وكايم المحرك مال مولد (بهدووم المدرسه يكعد يفصخ ) وراهه يضرب هندر كول اشتغلت المولدة (اجه بابا) كالعاده يبوك السويج ويطلع يفتر بالصدفه البحته ونادراً ما تحدث نلكه سيطره بالشارع وكفوه ( السياره بسمك ) (اي أو لا المهم ياخذ الفين) يفتر بالسياره ( اذا زوجي بس) يدور بنات يتحارش منا منا ذبلهه الرقم كالتله خابرني دك رقمهه بسرعه (ان رصيد حسابك لا يكفي.....) (خرب انه ) يتوجه الى اقرب كنبر لي

الطالب الامريكي) الساعه 8:00 يبوس بابا ويبوس ماما ويروح ينام وكذلك ثاني يوم.

لطالب العراقي )يرجع بالليل يلكه البابا كالب الدنيه عالسياره يتعارك وياه والماما ممسويه عشه هم يتعارك وياهه ويروح يفتح نت ويكعد على منتديات الملك ارومانسي وكل يوم على هالرنة

ها عرفتوا شنو الفرق؟؟؟؟؟ لو بعد

اخوكم

محمد الشاعري

_________________

هذا حال الدنيا

شنقدر انسوي

الله يكون بالعون

لكن رغم الظروف الصعبه

يبقى العراقي راقي

شكراً على الموضوع

تحياتي لك

غالية

هلو غلوش

منورة عزيزتي

و ماخفي كان اعظم

ونشالله هسه انزل موضوع

بين البنيه العراقية

والبنية الهولندية

صفصف lol!

_________________